కన్నీరు

(కవితల సుమహారం-69 )

గుండె పొరల నుండి అలలు అలలుగా
కంటి కొలకులనుండి చినుకు చినుకులా
చెక్కిలి పైనుండి చిన్నాగా
ఎక్కిళ్ల మధ్య మొదలై ధారగా
కారే కన్నీరు ,కారణమేమో మరి
తట్టుకోలేని భాధతో,తడి నిండిన మనసు
ఎవరితోనూ పంచుకోలేని వేదనకు ప్రతిరూపం
కన్నీరే కదా అని తుడిచేయాలనుకోకు
పొంగుతున్న లావా లాంటిది ఆ ద్రవం
వదిలేస్తే అదే ఒక మహా సంద్రం
కన్నీరు తుడవాలంటే కారణం తెలుసుకోవాలి
ప్రేమతో ఒదార్చాలి,ఆత్మీయత ను అడ్డుకట్టగావేయాలి
నువ్వే ఆకన్నీటికి కారణమైతే ఆ వరదలో కొట్టుకుపోతావు
సీతమ్మ కన్నీరు కారిన లంక సర్వ నాశన మయ్యింది
ద్రౌపది కార్చిన కన్నీటి కార్చిచ్చు కురువంశాన్ని తుడిచిపెట్టేసింది
అందుకే కలకంటి కంట కన్నీరు కారనివ్వకు