పుట్టిందొక శాంతి కపోతం
పుట్టిందొక శాంతి కపోతం
ఎగిరింది నింగిలోన శ్వేత కేతనం
భరతమాత కన్న బిడ్డ జవహరాయెను
భారతావని పులకించి మురిసిపోయెను
రత్నమంటి బిడ్డనిచ్చి భరత రత్న మాయెను
పంచశీల సూత్రమిచ్చి ధన్యజీవిఆయెను ॥ పుట్టిందొక ॥
బాలలన్న అతనికెంతో మక్కువాయెను
గులాబులన్నమరిఎంతో ప్రీతి ఆయెను
సత్యమునే ధర్మమని చాటిచెప్పెను
చాచాజీ నెహ్రుయై మన మదిని నిలచెను॥ పుట్టిందొక ॥
మమత సమత మానవతని మనకు నేర్పెను
భరతజాతి జాగృతికై పోరుసల్పెను
భయములేని సైనికుడై ముందుకురికెను
శాంతి దూతయై ఆతడు ఖ్యాతి నొందెను ॥ పుట్టిందొక ॥
