నేను

ఒకప్పుడు నేను ధీరుడిని

కానీ నేడు భీరువుని !

కొండంత సమస్యను సైతం 

గుండె నిబ్బరం తో ఎదుర్కొనే నాకు 

గుండెలోతుల్లో నేడు భయం 

పడగవిప్పి బుసకోడుతోంది

మండే ఎండను సైతం
లెక్కచేయని నేను
మంచు బిందువుని సైతం
మోయలేక పోతున్నాను

చిరునవ్వు చిద్విలాసమైన నన్ను
గరళకంఠునిలా
కక్కలేక మింగలేక
ఈతిబాధల విషం బాధిస్తోంది

ఏ క్షణాన ఏమిజరుగుతుందో
తెలియని భయంతో
ఓర్పుతో అన్నీ సహించిన నేను
ఓదార్పుకోసం ఎదురు చూస్తున్నాను.

అందుకే
ఒకప్పుడు నేను ధీరుడిని !
కానీ నేడు భీరువుని!!