స్వాతంత్రదినోత్సవం (68)

భారతీయ సంస్కృతీ సౌరభం మన త్రివర్ణ పతాకం 
భాషలేన్ని వున్నా భావమొకటే భారతీయత ఒకటే 
కులాలేన్ని వున్నా మనకులం మానవులం 
మతాలేన్ని వున్నా మనమతం సమ్మతం 
కాషాయం ప్రతిబింబించే త్యాగం హైందవ మైతే
తెల్లదనం ప్రతిబింబించే శాంతి క్రైస్తవమైతే 
పచ్చదనం ప్రతిబింబించే సౌభాగ్యం ఇస్లామైతే 
అన్ని మతాలలో ఉన్న సారమే ఈ మూడు భావాలై 
త్రివర్ణా లతో అలరారే భారతం ప్రపంచ శాంతికి బావుటా 
మన సంస్కృతి కల్మషరహితమైన గంగా ప్రవాహమైతే 
ప్రపంచం లోని మతాలన్నీ ఇందులో కలిసే నదులే 
మతం మన అభిమతం మతం మనకు దిశా నిర్దేశం 
కృష్ణుడు అల్లా ఏసు బుద్దుడు మహావీరుడు భోదనల సారం 
శాంతి అహింస త్యాగం పరోపకారం నిస్వార్ధపరత్వం 
మానవాళి మనుగడకివే ఆదర్శ సూత్రాలు మహా మంత్రాలు