గణేశా

మన తెలుగు మన సంస్కృతి నిర్వహించిన చి త్ర క వి త – 50 – ‘గణపతి నవరాత్రులు’ పోటీ లో మొదటి (1) ద్వితీయ విజేతగా నిలిపిన  కవిత

 ::

గణేశా 

అమ్మ చేతి నలుగు పిండితో ప్రాణంబు పోసుకొని
నాన్న చేతి త్రిశూలపు వేటుతో ప్రాణంబు పోగొట్టుకొని
గజముఖ రూపుడవై గణనాదునిగా ప్రతిష్టితుడవై
విఘ్నములతొలగించు విఘ్నేశ్వరుడవై వెలుగొంది
ముజ్జగాల మన్ననలంది గుజ్జురూపుడవై నిలచి
భాద్రపద మాసాన శుక్లపక్ష చతుర్ధి నాడు భువిలోన
ఇంటింట కొలువై పచ్చనైన పత్రీ పూజలందుకొని
కుడుములున్డ్రాళ్ళు నవకాయ పిండివంటలతో
బొజ్జనిమ్పుకొని నవరాత్రులందు సేవలందుకొని
భక్తులందరి కోర్కెలు తీర్చుచు భజనలందుకొని
పదవ దినమునందు పరిపూర్ణ అలంకారములతో
పురవీదులందు కనులవిందుగా ఊరేగుచును
నిమజ్జనమునకు నీవు వెడలుచుండ,
ప్రకృతిలోన పుట్టి ప్రకృతిలోన కలయు
విఘ్నేశ్వరా ! రంగు రంగుల హంగులు లేకుండ
నిమజ్జనమై పర్యావరణమును కాపాడు గణాధిపా !