దీపావళి (కవితల సుమహారం-3)
అమావాస్య చీకట్లను చీల్చుతూ వెలుగురేఖలు చిమ్ముతూ
అణగారిన జీవితాలలో ఆశావహ దృక్పదం నింపుతూ
పున్నమంటి పండుగ వెన్నెలంటి పండుగ
ఇంటింటా ప్రమిదలలో వెలిగే దీపాలు మన హృదయాలు
అందులోవున్న నూనె మనలోని ఆశ
ఆశలు తీరిన మనసుల ఆనందం దీపం
చిరునవ్వులు పూయించే మతాబులు ,కాకరలు
మన ఆనందపు హద్డులుతెలిపే చిచ్చు బుడ్లు
మన అంతరంగాల అనుభూతుల భూ ,విష్ణుచక్రాలు
మనతీరనికోర్కెల భావప్రతీకలు తారాజువ్వలు
చిన్నారుల ముద్దు మురిపాలవెన్నముద్దలు
అల్లరిచేసేకుర్రకారులా సిసింద్రీలు
చిటపటలాడే నాన్నలా సీమటపాసులు
, అలిగిముక్కుచీదే అమ్మలాచీదేసే టపాసులు
జీవన రససారంలా సాగిపోయే ఈ దీపావళి
అధర్మం పై ధర్మం విజయానికి
మనః క్లేశాల పై మనోధైర్యాల విజయాలకి
అభివృద్ధికి, ఆకాంక్ష కి ,ఆశకి, ఆశయానికి
మానవత్వానికి మహిళాభ్యుదయానికి
నిలువెత్తు నిదర్శనం ఈ దీపావళి
సాహితీ సేవ సమూహంలో దీపావళి ప్రత్యేక కవితలపోటీలో ప్రధమ బహుమతి పొందినకవిత
కామెంట్‌లు లేవు:
కామెంట్‌ను పోస్ట్ చేయండి