ఆకాశవాణి

కృష్ణా తరంగాలు ప్రధమ బహుమతి (కవితల సుమహారం-30 )
ఆకాశవాణి అందరి ఆత్మీయ వాణి
ఉదయాన వందేమాతర గీతంతో నిదురలేపి
సంప్రతి వార్తాహ సూయంతాం అంటూ సంస్కృతంలో వార్తలందించి
చిత్రలహరులు,చిత్రగీతికలతో మనసుకు ఆహ్లాదం కలిగించి
ఏకాంబరం, అక్కయ్యల తమాషా మాటలతో కార్మికుల కార్యక్రమాలు
రేడియో అన్నయ్య, అక్కయ్యలతో బాలానందాలు
మధ్యాహ్నపు వేళ మీనాక్షీ పోన్నుదరై
ఆత్మీయ పలకరింపుతో సిలోన్ కార్యక్రమాలు
చల్లనిసాయంత్రపు వేళ ఆకట్టుకొనే
ఏమండోయ్ బావగారు అంటూ కబుర్లు
వారం వారం ఆదివారం రేడియో నాటికలు
బుర్రకధలు హరికధలు,నవలా ధారావాహికలు
ఇంకా ఎన్నెన్నో బుల్లిపెట్టె లో అద్భుతాలు
మానవుని మనోరంజనానికి తీపిగురుతులు