సంకురాత్రి

మనతెలుగు మనసంస్కృతి చిత్ర కవిత 69 ప్రథమ బహుమతి పొందిన కవిత (కవితల సుమహారం-33)

తెలుగులోగిళ్ళు -వెలుగువాకిళ్ళు
మంచుతెరల మాటున పల్లె అందాలు
పంటపండించి గాదెల కెత్తే రైతన్నలు
పట్టుపావడాలతో నడయాడే నయాగరాలు
పసుపు పూసిన గడపలతో లక్ష్మీనివాసాలు
భోగి మంటల అందాలతో వీధి కూడళ్ళు
పిడకల దండలతో చిన్నారుల సోయగాలు
అత్తవారింట కొత్త అల్లుళ్ళకు స్వాగతాలు
పిండివంటల ఘుమఘుమల ఆస్వాదనాలు
బొమ్మలకొలువుల పేరంటాల సంబరాలు
చట్టాలు ఎన్నివున్నా కోడిపందాల కవనాలు
గోమాతల నుదుట పసుపు కుంకుమల తో
పశుసంపదకు పూజా పునస్కారాలు
భోగభాగ్యాలు తెచ్చే ఈ పండుగలే
మన సంస్కృతీ సంప్రదాయాల ఆనవాళ్ళు
కావాలి ప్రతి ఇంటా కొత్తకాంతుల సంక్రాంతులు