మిణుగురులు

(కవితల సుమహారం68 )

మన తెలుగు మన సంస్కృతి చిత్ర- క వి త – 81 లో ద్వితీయ విజేత
మిణుగురులు
నేత్రాలున్నాచూడలేని అందాలెన్నో సృష్టిలో
జ్ఞాన నేత్ర మిచ్చె ఈ మిణుగురులకుభగవంతుడే
కామందులు, జ్ఞానాన్ధులు అహంకారాన్ధుల లోకంలో
లోకంపోకడ చూడని జ్ఞాన ప్రకాశులు వీరు
సంగీత కళా కోవిదులు ,సూక్ష్మగ్రాహ్య ప్రతిభాశాలురు
చూపులేనివారని చిన్నచూపుచూడ తగదు
బ్రెయలీ మహాశయుడే అక్షర రూపకర్తగా
ఆధునిక పరిజ్ఞానంతో ఎన్నోవిజయాలకు ఆనవాళ్ళు
క్రమశిక్షణతో దారితప్పని జీవితాలువీరివి
జాలిచూపడంకన్నా చేతనైన చిన్న సాయం మిన్న
చిరుసహకారం వుంటే స్వయంప్రకాశం తో శోభించే
ఈ మిణుగురులు సమాజానికి స్పూర్తి ప్రదాతలు