ఏక వాక్యాలు –ఏకతారాలు

ఏక వాక్యాలు –ఏకతారాలు

1.అందమైన కల చెదిరింది -కలత నిదురతో

2.ఆమని వచ్చింది -నీ ప్రేమ గీతంలా

3.శివుని తలపై గంగలా -నిరంతరం తడిపేస్తున్నావు నీప్రేమతో

4.ఆవలితీరాన నువ్వు ఈవలితీరాన నేను-ప్రేమ వంతెన వేద్దామా

5.రెండు పున్నములు ఒక్కసారి-నింగిపై జాబిల్లి ఇలపై నువ్వు

6.తనివితీరా చూడనీ -కాంక్షలు తీరిన నీ మోము

7.మాధుర్యం నీమాటల్లో కాఠిన్యం నీచూపులలో
8.నిదురపుచ్చ లేను నా మనసుని -నీ ప్రేమజోల పాటలేనిదే

9.ఎంతని వెదికానో నిన్ను- నా ఎదలోతుల్లో దాగున్నావనితెలియక

10.గోరంత దీపానివి నువ్వు -నా జీవితంలో కొండంత కాంతిని నింపావు

11.మందు పూసినకొద్దీ గాయం పెద్దదవుతోంది -నీ స్పర్స లేక

12.కాలుష్యపు కార్చిచ్చు లో కాలిపోతోంది అందమైన నందన

13.రాశి పోసిన సౌందర్యం- రామకోటికి ఇంకెక్కడ సమయం
14.రవ్వల దుద్దులు తెచ్చా- నువ్విచ్చే ముద్దులకోసం
15.కలానికిపదునెక్కువవుతోంది -ఏకవాక్యాలు నూరి నూరి
16.కోటి వీణలు మోగుతున్నాయి నీ మధుర గాత్రంలో
17.కోరికలు చెలరేగుతాయి -కొంటెగా అలా చూడకు

18.నాకిష్టమైనది ప్రతీది నీకిష్టమంటావు -నాయిష్టం నువ్వేగా మరి
19.దుప్పటినై కప్పుకోవాలనివుంది -చెలి చలి కి వెచ్చగా
20.ఊసులాడే వేళ-ఊర్మిళాదేవిలానీ నిద్ర
21.ఇంకెందుకు ముత్యాలసరం- నువ్వే నాకొక వరం
22.ఊపిరి తీయడం మానేసా -నువ్వేనావూపిరని తెలిసాక

23.మేనికి పూసిన సుగంధం -మనసున పలికిన ప్రబంధం
,24.నీ ప్రేమ స్పర్సతో నిదుర లేస్తా -నీ మోవి స్పర్సతో నిదురపోతా
25.నీకెంత దగ్గరవ్వాలనుకున్నా-అందనంత దూరంలో ఆకాశాన నువ్వు