మంచు కురిసే వేళలో

మంచు కురిసే వేళలో (కవితల సుమహారం-28)

మనసునిండా మధురోహలునిమ్పుకొని
రాలిపడుతున్న హిమసుమాలలో
రాగాలాపనని ఆనందిస్తూ
రాబోయే వసంతాన్ని ఆహ్వానిస్తూ
మంచుకురిసే వేళలో జాబిల్లి అందాలను ఆస్వాదిస్తూ
మదిదోచిన కాంత ఏకాంతాలను అనుభవిస్తూ
పొద్దెక్కి వచ్చిన సూరీడు నులివెచ్చని స్పర్శలో
పొలం గట్లపై చలికాగుతూ
వేడివేడి పొగలుకక్కే కాఫీలకు ప్రణమిల్లుతూ
భక్తి పారవశ్యాలతో చన్నీటిస్నానాలతో
ధనుర్మాస వ్రతాలనాచరిస్తూ
తెలుగు లోగిళ్ళలో సంక్రాంతి సంబరాలసందళ్ళతో
ఆనందోత్సాహాలతో గడిపేసి
శివశివ అంటూ శివ రాత్రిజాగారంతో
ఈ చలి పులికి వీడ్కోలు పలికేందుకు సిద్ధమవుదాం


మనతెలుగు మనసంస్కృతి చిత్ర కవిత 68 ...టి.వి.ఎస్.ఆర్.కే.ఆచార్యు