ప్రేముందని తెలిసింది

(కవితల సుమహారం-71 )
నాగుండెల్లో ప్రేముందని నిన్ను చూసాకే తెలిసింది
నా మనసుకి కూడ భావముందని నిను కలిసాకే తెలిసింది
నా జీవితంలో విరిపూలు పూస్తాయని నీ నవ్వు చూసాకే తెలిసింది
నామాటల్లో తేనెలొలుకుతాయని నీ పలకరింపు చూసాకే తెలిసింది
నాకంటూ ఒక జీవితముందని నీతో ఎడడుగులువేసాకే తెలిసింది
నాకంటూ ఒకతోడుందని నీ చేతిలో చెయ్యి వేసాకే తెలిసింది
నా ప్రతిరూపం నీలో వుందని నీకంటి వెలుగు చూసాకే తెలిసింది
నా జీవననావకు చుక్కానివి నీవని నీ దరిచేరాకే తెలిసింది
నాకంటూ ఏముందని నా దంతా నీదేనని నీ ప్రేమ రుచి చూసాకే తెలిసింది
నాహృదినిండా ప్రభాత సమీరాలు నీ ఎద తడిమాకే తెలిసింది