రాక్షస కాండ

రాక్షస కాండ (కవితల సుమహారం-15)

నిత్యం చెమటోడ్చి కష్టపడి వెళ్ళ బోసే జీవితాలు
రేపటికోసం కలలుకనేసామాన్యుడి సంసారాలు
పసిపాపలనవ్వులకోసం వెంపర్లాడే మమకారాలు
ఇది ప్రపంచ మాన చిత్రంలో ఒక పార్శ్వం
ప్రపంచమేదో అయిపోతోందని ఉద్దరించేది మేమని
మతమౌడ్యం తో పవిత్రయుద్దాలపేరుతో రక్కసులై
కులమతాలకతీతంగా పసికూనలని సైతం
కాలరాసి, చిగురించే జీవితాలు చిదిమేసి
విశ్వమానవ సౌభ్రాతృత్వాన్ని విస్మరించి వికృతాకారులై
రాక్షసానందం తో భూమాతకు పెనుభారంగా పరిణమించి
ప్రకృతిలో పెరుగుతున్న కాలుష్యాలకు తోడు
మానవత్వపు కాలుష్యంతో మారణ కాండలు మరో పార్శ్వం
ఒకపక్క ఉగ్రవాదానికి కొమ్ముకాస్తూ
మరోపక్క కొంగజపంచేస్తూ ధర్మపన్నాలను వల్లిస్తూ
వైస్వీకరణ మహామంత్రం జపిస్తూ అగ్రరాజ్య అహంకారం
ఎక్కడో కాలుతున్న శవాల కమురుకంపు
నెత్తురోడుతున్న పిశాచాల కబళింపు
ఓ మానవుడా !ఏది దిక్కు అని పరితపిస్తూ కూర్చోకు
శాంతి వనాల సృష్టించు ,ఉగ్రవాదకాలుష్యం తుదముట్టించు


టి.వి.ఎస్.ఆర్ .కే.ఆచార్యులు 23.12.14.మనతెలుగు మనసంస్కృతి చిత్ర కవిత 67