చెక్కిట చెయ్యి చేర్చి

(కవితల సుమహారం-65 )

చెక్కిట చెయ్యి చేర్చి ఊహల ఊయలలో
నింగివేపు నిక్కిచూసి చల్లని వెన్నెలలో
పసిపాపనై అమ్మవొడిలో పారాడనా
పాలబువ్వలకై అమ్మనే ఆడించనా
పసితనపు భావనలు మది నిండ
చందమామ కథలెన్నో ఆలకించి
నాన్న గుండె పై ఆదమరచి నిదురించిన
తీపి జ్ఞాపకాల పొరలెన్నో తరచి చూడనా
యవ్వనపు తొలినాళ్ళలో జాబిల్లి రూపులో
వలపు నవ్వులురువ్వే ప్రియురాలి రూపమే
పిండారబోసినట్లున్న వెండి వెన్నెలలో
శ్రీమతితో పంచుకున్న పరిష్వంగన లే
దాచుకున్న మధురోహాలు ముప్పిరిగొంటూ
అందాల చందురిని చూసి మైమరస్తూ
నెమ్మదిగా జారుకొంటున్నా ని....దు ....ర......లో......కి