అందంతో

కృష్ణా తరంగాలు ద్వితీయ బహుమతి (కవితల సుమహారం-31 )రెండవ అక్షరం "దం "

అందంతో వలవేస్తావు ,మక
రందం రుచిచూపిస్తావు.నీ
డెందం లోచోటిస్తావు ,ఆ
నందం గా విహరిస్తావు ,జాబిలి
చందంగా కనిపిస్తావు ,నాహృదిలో
వేదం పలికిస్తావు ,నా మనసుకు
మోదం కలిగిస్తావు , లయవిన్యాసాలతో
పాదం కదిలిస్తావు ,మృదంగ
నాదం తో సరి నాట్యం చేస్తావు
కదంకలిపి నను మురిపిస్తావు
స్వేదం చిందిననీమోములో
ఖేదం కనబడనీయక ,నాకు ప్ర
భోదం చేస్తావు ,నీప్రేమకు నా ఆ
మోదం తెలుపమని నను తొందర చేస్తావు
సూదంటు రాయల్లే నను లాగేస్తావు