"శూన్యం

మన తెలుగు మన సంస్కృతి నిర్వహించిన 74 వ చిత్ర కవిత పోటీ –
"శూన్యం " – నందు ప్రథమ విజేతగా నిలిచిన కవిత (కవితల సుమహారం-49 )

శూన్యం అంటే ఒక నిరాశ
శూన్యం లోకి చూస్తూ జీవితాన్ని గడిపేస్తూ
ఎందఱో నిరాశాజీవులు
న్యూనతా భావానికి శూన్యతే ఆధారం
కానీ శూన్యం అంటే సున్నా అనిఅర్ధం
అది ఒక్కటే ఉంటె శూన్యమే
మరో అంకెపక్కకు చేరితే ఆ అంకెకూవిలువే
శూన్యానికి విలువే
మనజీవితంకూడా అంతే
శూన్యాన్ని నీ ఆశల అంకెలపక్కకుచేరిస్తే
అది పూర్ణం అవుతుంది
నీజీవితం పరిపూర్ణమవుతుంది
శూన్యం నేర్పే జీవిత సత్యమిదే
శూన్యం లో ఎన్నోవింతలు
జీవితంలోని శూన్యాన్ని శోధిస్తే
ఆవిష్కరించబడే ఎన్నోఅద్భుతాలు
అందుకే శూన్యాన్ని చూస్తూ కూర్చోకు
నిన్నునీవు తిట్టుకోకు