చిరు ఆశ

(కవితల సుమహారం-40 )

ఎద తల్లడిల్లి పోతుంది
ఎదురు దెబ్బలకు తట్టుకోలేక
ఎక్కడో చిరు ఆశ
ఎలాగైనా ఈ కష్టాలు తీరుతాయని
గతమంతా చేదు అనుభవం,కానీ
ఇప్పుడు గరళం కూడా అమృతం
జీవితాన్ని జీవించడం ఒకవరం
జీవిస్తున్నందుకు ఎదో ఒకటి
సాధించడం నీ జీవనధర్మం
అందుకు ఎంచుకోవాలి ఒక లక్ష్యం
లక్ష్య సాధనకు కావాలి ఒక పధకం
నిరంతర శ్రమ,నిజాయితీ పరమమంత్రం
తగిలే ప్రతి ఎదురు దెబ్బా శిలపై ఉలి దెబ్బ
రగిలే ప్రతినిప్పురవ్వా ఎగిసే అగ్నిజ్వాల
సాధనతో శ్రామికుడై లక్ష్య సాధన చేస్తే
అప్పుడే నీజీవితం తెరిచిన పుస్తకం