(కవితల సుమహారం-59)
అంతా వ్యాపారమే
గుప్పెడు వేప పూవు
చిన్న మామిడి పిందే
దేవుడికి కొట్టే కొబ్బరికాయ
అవకాశ వాద వ్యాపారం
దేముడి మీద భక్తీ ఉంటె
కొంటావా చస్తావా ?
ఈ రోజు దాటితే విలువ ఉండకపోయినా
ఈ రోజే సొమ్ము చేసుకోవాలి
అందుకే సామాన్యుడి నడ్డివిరుస్తూ
ఏది ఎప్పుడుఅవసరమో అప్పుడే
ధర పెంచేసి దోచేస్తే సరి
ప్రజానాయకులు మాత్రం అసెంబ్లీల్లో
వీధి రౌడీల్లా కొట్టుకుంటూ
ప్రజలని మేమే ఉద్ధరిస్తామంటే
మేమే ఉద్ధరిస్తామని చొక్కా నలగకుండా
గుండెలు బాదుకొని ,బల్లలు చరుచుకొని
మల్ల రాబోయే ఎన్నికల దాకా
శవ రాజకీయాలు చేస్తూ
ఎన్నికలలో ఏమి లబ్ది పొందుతారో
ఒక్కొక్కవోటుని వేలకు వేలు కుమ్మరించి కొంటూ
తాత్కాలిక సుఖానికి అలవాటుపడ్డ వెలయాలిలా
ఆ సొమ్ముల కాశపడి అనర్హులను అందలమెక్కించే
విద్యావంతులు అజ్ఞానవంతులు
ఏమిసాదిస్తాం ఎటుపోతున్నాం?
ఇప్పటికైనా కళ్ళు తెరవలేమా ?
మనని మనంకాపాడుకోలేమా ?
అంతా వ్యాపారమే
మనదన్నది ప్రతీది గ్లోబల్ కి అప్పగించి
మేమే అభివృద్ధి అని గోబెల్ ప్రచారం
ముప్పావలా కోడిపిల్లకి మూడు రూపాయలు ప్రచారం చేసి
ముప్పై రూపాయాలు మనదగ్గరగుంజుతుంటే
సబ్బురాసుకుంటున్న హీరోయిన్ అర్ధనగ్నత్వం మోజులో మనం
కామెంట్‌లు లేవు:
కామెంట్‌ను పోస్ట్ చేయండి