తెలుగమ్మాయి

చిత్ర కవిత-65
తెలుగమ్మాయి (కవితల సుమహారం-20)

పట్టుపావడా కట్టిన పరువాల చిన్నది
కాటుక దిద్దిన కోల కళ్ళతో
వాలుజడను పూలచెండుతో చుట్టి
వయ్యారాలు వొలకబోసే వగలతో
సింగారలనడుముతో సిగ్గు లొలుకుతూ
తేనెలొలుకు కులుకుల పలుకులతో
మధువులూరు లేలేత పెదవులతో
ఘల్లు ఘల్లను మంజీర నాదాలతో
సెల యేరల్లే తుళ్ళుతూ
మెత్తని కోనసీమ పూతరేకులా
రసాలూరే కాకినాడ కాజాలా
నడచివచ్చిన బాపూ బొమ్మ
అందాలుచిందే అపరంజి రెమ్మ
అపురూపముగ తీర్చిదిద్దె బ్రహ్మ
ప్రతివారి హృదిలో మ్రోగే సన్నాయి
ఆమే పదహారణాల తెలుగమ్మాయి


టి.వి.ఎస్.ఆర్.కే.ఆచార్యులు 7.12.14