ప్రియా!

14 December 2014 21:18
ప్రియా! (కవితల సుమహారం-22)

నీవులేనినాడు నేనున్నానని ఎలా అనుకుంటావ్ ?
నీ ఊపిరినే నేనైతే వూపిరిఆగిపోతుందని ఎలా అంటావ్ ?
నీధ్యానమే నాదైతే నీపై ధ్యాసలేదని ఎలా అంటావ్ ?
నీ నీడనే నేనైతే నీకు నీడలేదని ఎలా అంటావ్ ?
నీతోడుగా నేనుంటే నువ్వెలా వెళ్ళిపోతావ్ ?
నీకంటి రెప్పనై నేనుంటే కన్నీరెందుకు కారుస్తావ్ ?
నీ కలలలో నేనుంటే నిదుర లేదని ఎందుకంటావ్ ?
నీకు ప్రేమామృతాన్ని పంచుతుంటే దాహమని ఎలా అంటావ్ ?
నీలోసగం నేనైవుంటే నేనెక్కడని ఎలావెతుకుతావ్ ?
నీ వేకువనే నేనైతే ఇంకా తెలవారలేదని ఎందుకంటావ్ ?
నీ జాబిలినే నేనైతే వెన్నెల కోసం ఎందుకు ఆరాట పడతావ్ ?
నీకోసం నా సర్వస్వం నువ్వే నా సర్వస్వం ,కాదని ఎలా అంటావ్ ?
ఇంతగా పెనవేసుకున్న బంధం తెంచుకు నేపోతే నువ్వెలా వుంటావ్?