ఏమి వ్రాయను?

ఏమి వ్రాయను? (కవితల సుమహారం-6)

కవిత వ్రాయలని వుంది,కానీ ఏమివ్రాయను ?
కనులు మూసి ఆలోచిస్తే ఎన్నో అంశాలు
నా మనోఫలకం పై కదలాడుతున్నాయి
సమాజంలో ఎన్నోరుగ్మతలు ,ప్రపంచవ్యాప్తంగా ఉన్నరోగాల్లా
పుట్టే రోగాలుపుడుతున్నాయి ,మందులతో నివారణ వుందివాటికి
లంచగొండితనం,అబలా అత్యాచారాలు,పెచ్చరిల్లిన పాశ్చాత్యత
యువతరాన్ని చెడగొట్టే సినీమాధ్యమాలు,వీటికి అంతేది,మందేది ?
గురజాడలు,వీరేశ లింగాలు మార్చలేరు ఈసమాజాన్ని
చైతన్యం కావలసిన యువతరం విలాసాలవ్యామోహంలో
దిశా నిర్దేశం చేయాల్సిన పెద్దలు నిర్వేదంతో నిర్వీర్యమవుతుంటే
మొగ్గ దశ లో బాల్యం సామాజిక పైత్యాలకు చిదిమివేయబడుతుంటే
వలువల విలువలను నడివీదిలో సిగ్గువిడిచి వదిలేస్తుంటే
అర్ధనగ్నంగాతిరుగుతున్నా ఆడదానికి స్వేచ్చ కావాలనడం
గాంధీజీ కలలుకన్న స్వతంత్రం ఇంకా రాలేదని శోకించాలా?
ఏమీచేయలేనని చేతులుముడుచుకు కూర్చోవాలా ?
సాహిత్యం సామాజిక దర్పణం అన్న మాటకు ఊతమిస్తూ
నా వేదనను కవిత రూపంలో ఆవిష్కరించాలా
నేటిసమాజానికి ఈ ప్రక్రియ కూడా ఆకతాయి అంశమని
నిట్టూర్పువిడుస్తూ నిరాశగా ఎదురుచూడనా ?


సాహితీ సేవ 'అంతర్వేది సాహితీ పండుగ -సాహితీ సేవకవితల పోటీ కి
టి.వి.ఎస్.ఆర్.కే.ఆచార్యులు .6 .11 .14