ఉగాది (జయనామ)

కృష్ణా తరంగాలు (కవితల సుమహారం-35 )

నవనవోన్మేష నవమోహన సమ్మోహన ఉగాది కన్యకా
నవరస సంగీత సాహిత్య సమ్మిళిత రాగ సారికా
ప్రక్రుతి రమణీయ కమనీయ సౌందర్య మాలికా
సరస శృంగార చైత్రమాస సుశోభిత వసంత గీతికా
ఉషోదయాన చెరకువిల్లు పట్టిన మన్మధ రాణి వలె
మధురమైన మావి చివురుల మెసవిన కోయిల రాగంతో
గుబురు మావిళ్ళ చిరు ధరహాసాల మేళవింపుతో
మత్తెక్కించే వేపపూల పరిమళాల గుభాళింపు తో
జీవన సారపు షడ్రుచుల మధించిన పచ్చళ్ళతో
సంవత్సర ఫలితాలతెలుపు పంచాగ శ్రవణాల తో
తెలుగు వారి ఇల్లిల్లు వెలుగొందు దివ్య శోభతో
ప్రతి మది నిండు మృదుల తరంగ భావాలతో
నడయాడ వచ్చిన నవ వసంత యామినీ
జయ నామ రూప ధారిణీ జయము జయము
నీ క్రీగంటి చూపులో ప్రజలెల్లరకు కలుగు శుభము