ల -అక్షర కవిత

(కవితల సుమహారం-63 )

లక్షణముగ నుదుట తిలకము దిద్ది ,నీలా
ల ముంగురులను దువ్వి
లలనామణి మంగళకర మౌ
లక్ష్మీ దేవిని స్తుతించుచూ తన జీవితమున
లక్ష్యమును సాధించు దిశగా
లవ లేశమైన ఆటంకములు కలగకుండ
లలిత పల్లవ కోమల కుసుమము
లను కోసి పూజించి కోరెను
లఘువ్రతా విధానమున
లతాంగి వినమ్రత వుట్టిపడగ ,విరు
లన్నియు ఏర్చి కూర్చి అందమైన మాల
లనుగుచ్చి ముదము మీరగ అమ్మకుఅర్పించె
లబ్ది చేకూరు నటంచు విప్రులెల్ల ఆశీర్వచనము
లనందించె , శుభములు కలుగ
లయకరుడు శుభకరుడు దీవించె