శిల్పి

శిల్పి (కవితల సుమహారం-5)

ఉలి పట్టి సుతిమెత్తగా మలచె శిల్పి
విభిన్నభంగిమలతోడ వెలయించె

సాహిత్య శృంగార రసములనెల్ల
రంగరించి గుహలలో,మందిరములపై
తెలియజెప్పెనవి ఎన్నోరసరమ్య కావ్యముల
రామాయణేతిహాసముల భావమెల్ల
మన సంస్కృతీ వారసత్వ సంపదయై
భావితరములకు అందించు భాగ్యమ్ము
భారతీయ శిల్పకళా నైపుణ్యమనిన
విశ్వ విఖ్యాతమే జక్కనాదులు
మతమేదైనా మందిరాలనలరించు
విశిష్ట శిల్పచాతుర్యం మన సొంతం