రంగుల ప్రపంచం

(కవితల సుమహారం-56 )

రంగు రంగుల ప్రపంచం
రమణీయ ప్రకృతి సౌందర్యం
కనులు మూసినంతనే కలలై
మనసు పొరలలో నిక్షిప్తమైన
ఊహలవూసులను పొదువుకొని
ఎక్కడికైనా విహరించగలిగే
మనసు విహంగం కనే అద్భుత దృశ్యం
మనసుకు ఆహ్లాదంకలిగించే కళలు
మనోనేత్రంపై తీర్చి దిద్దిన చిత్రాలు
విశ్వాన్ని తాదాత్మ్యంలో ముంచే సంగీతం
నటరాజ నీరాజనం నాట్యసౌరభం
బ్రహ్మ సృష్టికి ప్రతిగా శిల్పకళా చాతుర్యం
ఇలా కళలన్నీ మనసును ఆహ్లాదపరిస్తే
మరి కలలు కంటూ కళలను సార్ధకం చేస్తూ
కళా నైపుణ్యాలతో కలలను సాకారం చేసుకుందాం


మనతెలుగు మనసంస్కృతి