(కవితల సుమహారం-58)
వెలుగురేఖలు విచ్చుకొని
జిలుగు కాంతులు చిమ్ముతూ
జగాన అంధకారమును తరిమి
జవసత్వాలకు ఊపిరులూది
వినిపించెనదివో కోయిలకూజితము
కొత్త మామిళ్ళ కొంటె సోయగము
వలపు పులుపుల మేళవింపుతో
వయ్యారి నడకల నడచివచ్చెనదివో
వసంత యామిని కొత్త ఆశల పలకరింపుతో
షడ్రుచులసమాహార సేవనముతో
పంచాంగ శ్రవణాల భక్తి పారవశ్యముతో
రానున్నకాలాన్ని సుఖమయం చేసుకుంటూ
ఈ ఉగాది కోర్కెల రేడు మన్మధుని ఆశీస్సులతో
అందరికీ ప్రమోదాలను తేవాలని ఆశిస్తూ
కామెంట్లు లేవు:
కామెంట్ను పోస్ట్ చేయండి