అమ్మ-అమ్మాయి (కవితల సుమహారం-23)
అమ్మ తోడులేనిదే క్షణమైనా గడవదు
అల్లిన జడ లోను,నుదిటి బొట్టు దిద్దడం లోను
కంటికాటుక రేఖ పెట్టడం లోనూ
కాలుకదిపి బయటకు అడుగుపెట్టే తరుణంలో
జరభద్రం అంటూ జాగ్రత్త చెప్పడంలోనూ
కోరచూపులనించి ఎలా తప్పించుకోవాలో
ఎదిగే వయసులో ఎలా వొదిగి ఉండాలో చెప్పడంలోను
అమ్మే కదా నీకు సర్వస్వం,ఆమె మాటే నాగస్వరం
సహనాన్ని,సామరస్యాన్ని నేర్పి
భావితరానికి మరో అమ్మని అందించడమే
అమ్మగా తనకర్తవ్యం అప్పుడే ఆమె జన్మ ధన్యం
అందుకే అమ్మప్రేమ కల్మషం లేని పాలకుండ
కామెంట్‌లు లేవు:
కామెంట్‌ను పోస్ట్ చేయండి