యువతరం

(కవితల సుమహారం-67 )

యువతరం నరనరం ఉరకలేస్తోంది
భారతజాతి నవ నిర్మాణానికి
కండ బలం గుండె బలం పెంచుకొంటూ
కొండలనైనా పిండిచేసి
అడ్డంకులు అధిగమిస్తూ
ఉద్యమాలే ఊపిరులుగా మున్ముందుకు సాగుతూ
ఇది ఒకప్పటి యువతరం
శరీరధారుడ్యం ఇప్పుడొక అవసరం
పెరుగుతున్న నాగరికత ముసుగులో
పిజ్జాలు బర్గర్లు జంక్ ఫుడ్ వ్యామోహంతో
పెరుగుతున్న ఊబకాయం
వీధినపడి ఉదయపునడకలు సాయంత్రపు నడకలు
ఉరేగిమ్పులా ఒకళ్ళని చూసి ఒకళ్ళు
ఆహారనియమాలతో శరీరశుష్కింపులు
ఆడ మగ చిన్నా పెద్దా తేడా లేదు
ఎందఱో వ్యాపారులు
బలహీనతలను సొమ్ముచేసుకుంటూ
ఇదీ నేటి భారతం