'ల 'అనే అక్షరం పై కవిత

కృష్ణా తరంగాలు అక్షరకవిత -6 లో తృతీయ బహుమతి పొందిన నాకవిత

'ల 'అనే అక్షరం పై కవిత (కవితల సుమహారం-8)




లతా మనోభిరామ లావణ్య
లలనా మణీ,నీ అధర రసా
లముల గ్రోలు కీరమునై నీమ్రో
ల వాలి నిరతము నీ ప్రేమ లా
లనలలో మునిగి తేలు నేను,నీ
లలితమగు మోము పై చిరునవ్వు
లక్షణముగా విరియ మురిపెము
ల నీవు మురిసి విరియగా కలువ
ల రేడది గని తారలతో సయ్యాట
ల మరచి మనల తేరిపార చూడ సిగ్గు
ల మొగ్గయితివి గదా నా సఖీ,చారు
లతాంగీ నినుచూచి కలువలుచిన్నబోయే గదా