(కవితల సుమహారం-66 )
సాయినాధా ! శిరిడీ గ్రామ నివాసా !
సకలలోక పుణ్య ప్రకాశా
నీ నామమే కడు పావనమై
పతితుల నుద్ధరించు పరమౌషధము కాదా
కనులముందు నీ రూపమే కనిపించు
కలనైన నీవే అగుపించు
కోరి ఎవరినైన తన దరి కీడ్చి
కష్ట నష్టములనుండి దరి చేర్చు
శ్రద్ధ సాబురిలే నీకు సమర్పింతు
శ్రవణమధుర మే నీకీర్తనము
సతతము నీపాదములే శరణని నమ్మి
సమాధి నుండి నీ సమాధానములు విని
సర్వాంతర్యామివని కోరి కొలిచేము సాయినాధా
కులమతాలకతీతుడవై దర్శన భాగ్యమిచ్చి
కూలదోసినావు అడ్డుగోడల నన్నిటిని
కుష్టు రోగి నైన కోటీశ్వరు నైన ఒక్కరీతిగా చూచి
జీవకోటి ఆకలి తీర్చ వెలసినావు ఇలలోన
బిక్షాటన చేసి ఆదర్శ మైనావు మానవాళికి
నిను నిరతము నమ్మి కొలతు సాయీశ్వరా
కామెంట్‌లు లేవు:
కామెంట్‌ను పోస్ట్ చేయండి